ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

រដ្ឋមន្ត្រីការពារជាតិអ៊ីស្រាអែលធ្វើដំណើរទៅកាន់សហរដ្ឋអាមេរិកដើម្បីពិភាក្សាពីផែនការបន្ទាប់នៃសង្គ្រាមក្នុងតំបន់ហ្គាហ្សា

  • ចុះផ្សាយថ្ងៃទី២៤ ខែមិថុនា ឆ្នាំ២០២៤ ម៉ោង ១៣:១០ នាទី ដោយ Mesa
  • 1906
  Aa |   aA

អ៊ីស្រាអែល៖ រដ្ឋមន្ត្រីការពារជាតិអ៊ីស្រាអែល លោក យ៉អាវ ហ្គាឡាន់ (Yoav Gallant) បានធ្វើដំណើរទៅកាន់រដ្ឋធានីវ៉ាស៊ីនតោន សហរដ្ឋអាមេរិក កាលពីថ្ងៃអាទិត្យម្សិលមិញនេះ ដើម្បីពិភាក្សាអំពីកិច្ចការងារដំណាក់កាលបន្ទាប់នៃសង្គ្រាមនៅក្នុងតំបន់ហ្គាហ្សា និងជុំវិញភាពតានតឹងដែលកំពុងបន្តកើតមានឡើងនៅតាមបណ្ដោយព្រំដែនជាមួយប្រទេសលីបង់ ជាទីតាំងនៃជម្លោះដែលកំពុងកើតមានជាមួយក្រុមឧទ្ទាមហេសបូឡា (Hezbollah) ដែលបណ្ដាលឱ្យមានក្ដីព្រួយបារម្ភកាន់តែខ្លាំងឡើងថាជម្លោះដែលកំពុងកើតមាននឹងកាន់តែរាលដាលជាងមុន។ 

គួរបញ្ជាក់ថា ក្រុមសកម្មប្រយុទ្ធហេសបូឡា (Hezbollah) ដែលគាំទ្រដោយអ៊ីរ៉ង់បានចាប់ផ្តើមការវាយប្រហារជាហូរហែរមកលើអ៊ីស្រាអែល ចាប់តាំងពីសង្គ្រាមនៃតំបន់ហ្គាហ្សាបានផ្ទុះឡើងកាលពីថ្ងៃទី០៧ ខែតុលា ហើយភាគីទាំងពីរមានការប៉ះទង្គិចគ្នា (អ៊ីស្រាអែល-ហេសបូឡា) ក្នុងរយៈពេលជាច្រើនខែចាប់តាំងពីពេលនោះមក។ មិនត្រឹមតែប៉ុណ្ណោះ ក្រុមហេសបូឡាក៏បានបញ្ជាក់កាន់តែច្បាស់ថា ខ្លួននឹងមិនបញ្ឈប់​សកម្មភាពនៃការវាយប្រហាររបស់ខ្លួននោះឡើយ ពោលគឺរហូត​ដល់​មាន​បទ​ឈប់​បាញ់ពិតប្រាកដមួយ​នៅ​តំបន់ហ្គាហ្សាត្រូវបានធ្វើឡើង។

រដ្ឋមន្រ្តីការពារជាតិអ៊៊ីស្រាអែលបញ្ជាក់ក្នុងសេចក្ដីថ្លែងការណ៍មួយមុនការធ្វើដំណើរទៅកាន់សហរដ្ឋអាមេរិកថា៖ "យើងបានត្រៀមខ្លួនរួចជាស្រេចនូវរាល់សកម្មភាពដែលអាចកើតមានឡើងដើម្បីឆ្លើយតបទៅនឹងស្ថានភាពនៅក្នុងតំបន់ហ្គាហ្សា, លីបង់ និងតំបន់នានា"។ គួរឱ្យដឹងថា នៅក្នុងដំណើរទៅកាន់សហរដ្ឋអាមេរិកនេះ លោក ហ្គាឡាន់ ក៏ត្រូវបានគេរំពឹងថានឹងមានជំនួបពិភាក្សាការងារជាមួយរដ្ឋមន្រ្តីការពារជាតិអាមេរិក លោក ឡយដ៍ អ័រស្ទីន (Lloyd Austin) និងរដ្ឋមន្រ្តីការបរទេសអាមេរិក លោក អាន់ថូនី ប្លីងខេន (Antony Blinken) ផងដែរ។

គួររំឮកផងដែរថា កាលពីដើមខែមិថុនានេះ ក្រុមសកម្មប្រយុទ្ធហេសបូឡាបានបើកការវាយប្រហារទ្រង់ទ្រាយធំមិនធ្លាប់មានមួយទៅលើទីក្រុង និងមូលដ្ឋានយោធានៅក្នុងប្រទេសអ៊៊ីស្រាអែល ក្រោយពេលដែលកម្លាំងយោធាអ៊៊ីស្រាអែលបានបើកការវាយប្រហារ និងផ្តាច់ជីវិតមេបញ្ជាការជាន់ខ្ពស់នៃក្រុមឧទ្ទាមដែលមានមូលដ្ឋាននៅក្នុងប្រទេសលីបង់នេះ។ កាលពីសប្តាហ៍មុន បេសកជនអាមេរិក លោក អាមូស ហចឆ៍ស្ទីន (Amos Hochstein) ក៏ទើបតែបានបំពេញទស្សនកិច្ចនៅក្នុងប្រទេសអ៊ីស្រាអែល និងលីបង់ផងដែរ ក្នុងគោលបំណងបន្ធូរបន្ថយអរិភាព និងបញ្ចុះកម្ដៅនៃស្ថានភាពដែលកំពុងតែតានតឹងនៅតាមបណ្ដោយព្រំដែនប្រទេសទាំងពីរ៕



ព័ត៌មានជាច្រើនទៀតសម្រាប់អ្នក